'Di ko alam kung pano ito sisimulan. Ganito din yung naramdaman ko nung umapak ako ng Mahabang Buhangin, Calaguas Islands. 'Di ko alam kung anong pipiktyuran dahil sa sobrang ganda ng lugar. Parnag lahat ng piktyur, mali!

Makalipas hating gabi nang umalis kami ng 113, pero di pa nakakalayo ay nag-quick stopover na kami sa 7-11 sa tapat ng Paseo, pero magkarga ng alak, pang pa-spice ng biyahe. Halos isang oras din kaming nakatambay bago kami umalis papuntang Los Banos upang pick up-in ang tent kay Malai. Dito nagsimula ang napakaabang biyahe papuntang Calaguas Island, Camarines Norte.

Pasikat na ang araw ng dumating kami sa Caltex, Gumaca upang magstop-over pagkatapos dumaan sa napakahabang bayan ng Atimonan. Nagkape, Hong Kong noodles, pandesal, at nagyosi muna bago namin itinuloy ang biyahe.




Halos pasikat na ang araw nung nag-stopover sa Caltex



Busy na ang mga mangingisda, tricycle driver, at nagtitinda ng isda ng dumating kami sa Vinzon's Port. Nagkaproblema lang kami ng bahagya sa paghahanap ng bangka dahil P7,000++ ang unang offer, hanggang sa nakakuha si Maru, ng P3,700++ deal. Kasama na dun ang gasolina, tapos ihahatid kami sa isla, aantayin, tapos ibabalik kami sa Vinzon's. May public transport naman ng 11:00 am papuntang Banocboc, kaso baka mahassle pa kami maghanap ng bangka papuntang Mahabang Buhangin at pabalik ng Banocboc. Isa pa, 6:00 am kinabukasan ang alis mula Banocboc kaya, medyo hassle. Okay na rin ang P3,700++ na maliit na bangka, kaso 'di advisable 'tong bangkang 'to kung alanganin ang panahon. Nakiusap na lang kami sa bahay sa tabi ng Port para pag-iwanan ang WildTrak. Pagkatapos bilhin ang mga dapat bilhin, at makapag-agahan, pumalaot na kami.

Dadaan muna sa semi brown, semi green na ilog ang bangka hanggang makarating sa blue na blue na dagat. Napakatagal na dalawang oras ang biyahe mula Vinzon's patungong Mahabang Buhangin. Ok din na may mp3 player ka para libangin ang sarili.




Dito dadaan yung bangka papunta sa dagat



Paolo at mga bangkero



Stratvolcano, Mount Labo.



Dito siguro nababagay ipasok to: "'Di ko alam kung pano ito sisimulan. Ganito din yung naramdaman ko nung umapak ako ng Mahabang Buhangin, Calaguas Islands. 'Di ko alam kung anong pipiktyuran dahil sa sobrang ganda ng lugar. Parang lahat ng piktyur, mali!"

Napapalakpak ako sa sobrang ganda ng Mahabang Buhangin. 'Kala ko sobrang ganda na ng mga napuntahan ko, may mas gaganda pa ... [wala nang maisulat na description]

Dinala kami ng bangka sa puwesto ni Mang Bert, at dun kami nagtayo ng tent. Nagbayad yata kami ng P50++ per head para sa pagstay namin sa puwesto niya na may CR. Mukhang safe naman dito kaya dito na kami pumuwesto. Kami at ilang mga travel groups lang ang mga tao sa beach nun kaya sobrang konti ng tao, pero yun ang kinaganda ng lugar. Walang ingay, walang tao, walang kuryente, wala.




Mahabang Buhangin. Ang ganda talaga.



Mga players



Sa Tent

Pang skiman



Siguro marami pang mas gaganda pa sa Mahabang Buhangin, pero so far, isa ito sa mga magagandang lugar sa Pilipinas na napuntahan ko. Sana mapanatili nito, ang ganda, linis, at katahimikan ng lugar. Sana wag gawing Boracay to. Kung peace of mind ang hanap niyo, maganda magreflect dito. Ito ang Mahabang Buhangin, Calaguas Group of Islands, Camarines Norte.


Hindi ko pa rin alam kung pano ko madedescribe ang Mahabang Buhangin na hindi gagamit ng "fine white sand, and crystal clear blue waters" katulad sa mga sinasabi sa mga travel magazines, at bikini destination.